ipn.ge
21 December 2014, 18:20
თავდაცვის სამინისტროსთან საპროტესტო აქცია დასრულებულია. აქციის მონაწილეები თავდაცვის უწყებასთან დაახლოებით ერთი საათის განმავლობაში
იყვნენ შეკრებილები და მინისტრ მინდია ჯანელიძის გადადგომასა და უწყებისგან ბოდიშის მოხდას ითხოვდნენ.
აქციის მონაწილეთა თქმით, მათი პროტესტი ქართველი ჯარისკაცის, ალექსანდრე გრიგოლაშვილის გარდაცვალებასთან დაკავშირებით თავდაცვის სამინისტროს განცხადებამ გამოიწვია. მათ სამინისტროსთან მიტანილი ჰქონდთ საქართველოსა და უკრაინის დროშები, ასევე სხვადასხვა ბანერები, წარწერებით "გრიგოლაშვილი გმირია, თქვენ ლაჩრები", "არა კოლაბორაციონიზმს".
აქციის მონაწილეები უწყებას მოუწოდებდნენ, გლოვის ნიშნად დაეშვათ სამინისტროს ტერიტორაზე აღმართული სახელმწიფო დროშები.